პუტინს უთხრეს პირდაპირ, რომ მოდი გააჩინე ცეცხლები და მე შენ გემორჩილები - ნიკა რურუა
პუტინს უთხრეს პირდაპირ, რომ მოდი გააჩინე ცეცხლები და მე შენ გემორჩილები, - აცხადებს ნიკა რურუა და ბორჯომსა და აბასთუმანში ბიძინა ივანიშვილის კომპანიის სახელზე რეგისტრირებულ მი-8 ტიპის ვერტმფრენების გამოუყენებლობას გამოეხმაურა.
მისივე თქმით, ის, რასაც დღეს ხელისუფლება აკეთებს, არის ქვეყნის ღალატი და ბიძინა ივანიშვილის კეთილდღეობის სახელმწიფო ინტერესებზე წინ დაყენება.
„ყველაფერზე წინ აყენებს თავის პირად კეთილდღეობას. ასე მართავს ის ქვეყანას, ეს მრავლისმეტყველი ფაქტია. რუსეთის თხოვნას რაც შეეხება, პუტინს უთხრეს პირდაპირ, რომ მოდი გააჩინე ცეცხლები და მე შენ გემორჩილები. ეს არის ქვეყნის კატასტროფული ღალატი, მაგრამ ასევე არანაკლებ ცუდი ფაქტია ის, რომ ქვეყანაში ყველაზე მდიდარ ადამიანს ჰყავს 14 მფრინავი აპარატი და ქვეყანა მეზობელ ქვეყნებში ვერტმფრენების სამათხოვროდ დადის,“ - აცხადებს ნიკა რურუა.
