სომალის დედაქალაქ მოგადიშოში მომხდარი აფეთქების შედეგად მსხვერპლთა რაოდენობა 276-მდე გაიზარდა.

გავრცელებული ინფორმაციით, შაბათს ასაფეთქებელი ნივთიერებით დატვირთული სატვირთო ავტომანქანა დედაქალაქის ერთ-ერთ ცენტრალურ ქუჩაზე შეიჭრა.

ხელისუფელბის განცხადებით, ტერორისტული დაჯგუფება „აშ-შაბაბის“ თავდასხმის შედეგად ასევე დაჭრილია 300 ადამიანი.

სომალის დახმარების სურვილი მისმა მეზობელმა ქვეყნებმა გამოთქვეს. ამის გარდა ანკარა ქვეყნის თხოვნის შესაბამისად მზად არის დაშავებულები სამკურნალოდ თურქეთში მიიღოს.

სომალიში მოქმედებს რადიკალური ისლამისტური დაჯგუფება „აშ-შაბაბი“, რომელსაც მჭიდრო კავშირები აქვს „ალ-ქაიდასთან“.

დაჯგუფება სომალის ცენტრალური ხელისუფლების წინააღმდეგ შეიარაღებულ ბრძოლას აწარმოებს და ხელს უშლის გაეროს ჰუმანიტარულ საქმიანობას.