თბილისში, ბელიაშვილის ქუჩაზე „თეგეტა მოტორსმა“ ახალი სავაჭრო ობიექტი გახსნა, სადაც წარმოდგენილია მხოლოდ სპეცტექნიკის ნაწილები, ზეთები, საპოხი მასალები, ფილტრები, საბურავები, აკუმულატორები, დამატებითი მოწყობილობები და სხვა აქსესუარები. 

,,თეგეტა მოტორსის” გენერალური დირექტორის მოადგილის, გიორგი მშვილდაძის  განცხადებით, კომპანია რამდენიმე სპეციალიზებული მაღაზიის გახსნას კიდევ აპირებს. 

”დღეს გავხსენით სპეციალიზირებული ახალი სავაჭრო ობიექტი, რომელიც ავტოსათადარიგო ნაწილებს შესთავაზებს მომხმარებლებს. ეს არის სპეციალიზირებული მაღაზია. ჩვენი მომხმარებელი ყოველთვის სხვადასხვა ობიექტზე იღებდა ამ მომსახურებას, მაგრამ იქ უფრო შერეული პროდუქცია იყო. ჩვენ  მათ სურვილებს გაგებით მოვეკიდეთ და გავხსენით სპეციალიზებული მაღაზია,  ვფიქრობ, რომ წარმატებული ობიექტი იქნება. კიდევ ვაპირებთ რამდენიმე სპეციალიზებული მაღაზიის გახსნას დიღმის ტერიტორიაზე”, - განაცხადა გიორგი მშვილდაძემ.

მაღაზიაში მომხმარებელს დახვდება მსოფლიო ბრენდების მიერ წარმოებული უმაღლესი ხარისხის, როგორც ორიგინალი, ისე ალტერნატიული და ბიუჯეტური პროდუქცია და მოემსახურება, როგორც საცალო ასევე კორპორატიულ მომხმარებელს.

პროდუქციის შეძენა შესაძლებელია, როგორც ნაღდი ანგარიშსწორებით, ისე განვადებით. 

„თეგეტა მოტორსი“ უკვე 22 წელია მოღვაწეობს ქართულ ბაზარზე და ავტოინდუსტრიაში მუდმივად ინარჩუნებს ლიდერის პოზიციას.

„თეგეტა მოტორსი“ არის მსოფლიოში წამყვანი 300-მდე ბრენდის უმსხვილესი იმპორტიორი საქართველოში, როგორებიც გახლავთ: Bridgestone, Michelin, Varta, Exide, Shell, Motul, Hengst, ZF Parts, Lemforder, Sachs, Philips, Bosch, Febi, Federal Mogul  და სხვა ბრენდების მიერ წარმოებული უმაღლესი ხარისხის პროდუქციის: საბურავების, ზეთების, აკუმულატორების და ავტომობილების სათადარიგო ნაწილების მიმართულებით.