საქართველოს ყოფილი პრეზიდენტის, მიხეილ სააკაშვილის განცხადებით, ბორისპოლის აეროპორტის წარმომადგენლების დახმარებით, მისი შვილი გადასცეს.

,,საბოლოოდ, ჩემი შვილი ავიაკომპანიის წარმომადგენლების დახმარებით გადმომცეს, თითქოს ეს არ იყო მოზარდი და იყო რაღაც გზავნილი. მაგრამ, ვიდრე მე იქ ვიდექი, ბევრი მსგავსი ისტორია მოვისმინე განუკითხაობასა და კანონის დარღვევაზე. ასე რომ, ეს უკანონობა მხოლოდ მე რომ მეხებოდეს, ასე ღიად არ ვუპასუხებდი. მე შემთხვევით დავბრუნდი კიევში და მივედი ბორისპოლში. რომ არ მოვსულიყავი, ალბათ კამერაში ამყოფებდნენ ჩემს შვილს", - წერს facebook-ის საკუთარ გვერდზე მიხეილ სააკაშვილი.

ცნობისთვის, რამდენიმე წუთის წინ, მიხეილ სააკაშვილმა გაავრცელა ინფორმაცია, რომ მისი 11 წლის შვილი ბორისპოლის აეროპორტში დააკავეს. აღნიშნულ ფაქტთან დაკავშირებით მიხეილ სააკაშვილმა უკრაინის პრეზიენტს პეტრო პოროშენკოს მიმართა:

,,სად არის ჩვემი შვილი, მივმართავ პოროშენკოს. შენ მოგწონება შენ შვილს რომ ასე მოექცნენ?! დამიბრუნე სასწრაფოდ შვილი,“ - აცხადებს სააკაშვილი გავრცელებულ ვიდეოში.