პაკისტანში სარკინიგზო შემთხვევის შედეგად 20 ადამიანი დაიღუპა
პაკისტანში ბელუჯისტანის პროვინციაში სარკინიგზო შემთხვევის შედეგად 20 ადამიანი დაიღუპა. გამოცემა DAWN-ის მონაცემებით, დაშავებულია 200-ზე მეტი ადამიანი.
გავრცელებული ინფორმაციით ”ჯაფარ ექსპრესის” მატარებლის ოთხი ვაგონი რელსებიდან გადავიდა. ადგილობრივი ხელისუფლების ცნობით, ინციდენტი მატარებლის სამუხრუჭე სისტემის გაუმართაობამ გამოიწვია.
დაღუპულები და დაშავებულები ქალაქ ქვეთას საავადმყოფოში გადაიყვანეს. ქალაქში საგანგებო მდგომარეობა გამოცხადდა. სამაშველო ოპერაციებში ვერტმფრენებიც მონაწილეობენ.
