ჯორჯ ქლუნის მეგობრების ყველას შურს, რადგან მსახიობი მათ მორალური მხარდაჭერის გარდა მატერიალურადაც ეხმარება. ქლუნის მეგობარმა რენდი გერბერმა  Headliners-ის შოუში განაცხადა, რომ ერთხელ ჯორჯმა თავისი გარემოცვის წვერებს სათითაოდ ერთი მილიონი დოლარი აჩუქა.

მსახიობმა მეგობრები სადილზე დაპატიჟა. მათ ჯორჯის სახლში სიურპრიზი დახვდათ. მაგიდაზე ყველა სტუმრისთვის მომზადებული იყო დიდი ჩანთები. საჩუქრების გადაცემამდე ქლუნმა სტუმრებს მიმართა:

 „მეგობრებო, მომისმინეთ. მინდა იცოდეთ, თუ რას ნიშნავს თითოეული თქვენგანი ჩემთვის. როდესაც ლოს-ანჯელესში ჩამოვედი, დივანზე მეძინა. მაგრამ გამიმართლა, რადგან თქვენ მყავხართ, რადგან უთქვენოდ არ ვიქნებოდი ის, რაც დღეს ვარ“.

როდესაც მეგობრებმა ჩემოდნები გახსნეს, თითოეულ მათგანში მილიონი დოლარი აღმოჩნდა.

უნდა აღინიშნოს რომ მსახიობის ყველა მეგობარს არ ჰქონდა ისეთივე მაღალი ანაზღაურება, როგორც მას. ზოგიერთი ბარში მუშაობდა, რათა ოჯახი ერჩინა და ბანკის მიმართ დაკისრებული ვალდებულებები გადაეხადა. ქლუნიმ მილიონი დოლარის გარდა, მათი ვალებიც გადაიხადა.