ხუთწლიანი პაუზის შემდეგ ნინა წკრიალაშვილი საახალწლო კონცერტზე იმღერებს, ამის შესახებ ნინამ „პრაიმტაიმს“ განუცხადა და მადლიერებაც გამოხატა მერიის კულტურის სამსახურის მიმართ.

,,საახალწლო კონცერტზე, ნინო ძოწენიძესთან, ნინო ჩხეიძესთან, ბესო კალანდაძესთან და ზურა დოიჯაშვილთან ერთად ვიმღერებ, ფაქტიურად ანსამბლი ვართ (იცინის)… ხუმრობა იქით იყოს, მართლა ძალიან გამიხარდა რომ დამირეკეს. ერთი სული მაქვს როდის დაიწყება რეპეტიციები. სწორი გადაწყვეტილებაა, რომ მომღერლების შერჩევა აღარ მოხდება პოლიტიკური ნიშნით. ყოჩაღ კახის! მიუხედავად ჩემი პოლიტიკური შეხედულებებისა, მგონია, რომ კარგი მერი იქნება.

ყველაფერი აქვს ნანახი, იცი კარგისა და ცუდის გარჩევა. გვერდით ჰყავს ახალგაზრდა ლამაზი დიზაინერი მეუღლე, რომელიც კიდევ უფრო ახალი თაობის იდეებს მიაწვდის. პირველად ვაქებ პოლიტიკოსს ბოლო ხუთი წელია. არასდროს არ შევმცდარვარ და არც ახლა შევცდები'', - განაცხადა ნინა წკრიალაშვილმა.