მას შემდეგ რაც ამერიკელმა მსახიობმა ჩარლი შინმა აღიარა, რომ აივ-ინფიცირებულია, მისმა ექვსმა ყოფილმა პატრნიორმა ქალმა მსახიობის წინააღმდგ სარჩელის მომზადება გადაწყვიტა. როგორც პორტალი TMZ-ი იუწყება, ისინი 50 წლის მამაკაცს სექსუალურ ძალადობაში, თაღლითობასა და გამიზნულად სტრესის მიყენებაში ადანაშაულებენ.
გამოცემის თანახმად, მსახიობის ყოფილმა პარტნიორებმა მისი დაავადების შესახებ არაფერი იცოდნენ, ჩარლი შინი მათ ატყუებდა და ზიანს განზრახ აყენებდა.
გამოცემა წერს, რომ შინი აქტიურ სქესობრივ ცხოვრებას მას შემდეგაც აგრძელებდა, რაც თავისი დიაგნოზის შესახებ შეიტყო. ბოლო ორი წლის განმავლობაში მსახიობს 200 პარტნიორი ჰყავდა.
ჩარლი შინმა თავისი დაავადების შესახებ NBC-ის ეთერში ისაუბრა და აღიარა, რომ შიდსით დაავადების შესახებ მისთვის ცნობილი ჯერ კიდევ ოთხი წლის წინ გახდა.