პარლამენტის ჯანდაცვის კომიტეტის წევრის, დიმიტრი ხუდნაძის განცხადებით, ნარკოპოლიტიკის ლიბერალიზაციასთან დაკავშირებული კანონპროექტი მაღალ რისკებს შეიცავს. 

მისივე შეფასებით, კანონპროექტის ამოქმედების შემთხვევაში ქვეყანაში შესაძლოა, გაიზარდოს მომხმარებელთა რიცხვი და შესაბამისად, კრიმინალიც. 

გარდა ამისა, დიმიტრი ხუნდაძე აღნიშნავს, რომ არასამთავრობო სექტორის ნაწილი გარკვეულ ზეწოლას ახდენს საკანონმდებლო ორგანოზე და ეს არ არის სწორი.

რაც შეეხება საპატრიარქოს განცხადებას, დიმიტრი ხუნდაძის აზრით, საპატრიარქომ დააფიქსირა პოზიცია და მას ამის უფლება აქვს.

,,საპატრიარქო არ შესულა კანონპროექტის მუხლობრივ განხილვაში, მაგრამ სახეზეა ის, რომ არასამთავრობო სექტორის ნაწილი, რომელთა დაინტერესებაც, ვფიქრობ, აშკარად არის, გარკვეულ ზეწოლას ახდენს საკანონმდებლო ორგანოზე და ეს არ არის სწორი. უნდა მოხდეს ყველა სეგმენტში განხილვა კანონპროექტის, მაგრამ საბოლოოდ შეთანხმება უნდა მოხდეს კანონმდებლებს შორის, ასევე სამთავრობო პასუხისმგებელ უწყებებს შორის, წინააღმდეგ შემთხვევაში ეს კანონპროექტი იქნება მაღალი რისკების შემცველი", - ჯანდაცვის კომიტეტის წევრმა. 

ცნობისთვის, საპატრიარქოს აზრით, ნარკოპოლიტიკის კანონპროექტის განხილვა უნდა შეჩერდეს"

"საქართველოს საპატრიარქოში განაცხადეს, რომ არასოდეს უჭერდნენ მხარს და არც ახლა ეთანხმება ნარკომანიით დაავადებულთა მიმართ პატიმრობის შეფარდებას", -  ნათქვამია საქართველოს საპატრიარქოს განცხადებაში.