თბილისის საქალაქო სასამართლოში ბუტა რობაქიძის მკვლელობის საქმეზე მთავარი მოწმის, ყოფილი მსჯავრდებულის, გიორგი ბაშალეიშვილის დაკითხვა მიმდინარეობს.

პროცესზე გიორგი ბაშალეიშვილს ერთ-ერთმა ბრალდებულმა ირაკლი ფირცხალავამაცმიმართა კითხვით, გამომძიებელი დაინტერესდა თუ არა მის მიერ დასახელებული ჭაღარა პირით, რაზეც ბაშალეიშვილმა უპასუხა, რომ გამომძიებელმა ჰკითხა, თუმცა ის პირი ვერ აღიდგინა.

"დიდი ეჭვი მაქვს ეს ჭაღარა არის პროკურატურის თანამშრომელი, რომელიც ამას აკეთებდა, ის ამოიცნეს და ხელი დააფარეს, რადგან ასე აწყობთ", - განაცხადა ირაკლი ფირცხალავამ.

ადვოკატის კითხვაზე, ბაშალეიშვილს ეშინია თუ არა დღესაც შურისძიების, მან უპასუხა რომ არა.

"არა, სასჯელი მოვიხადე და სიმართლეს ვაღიარებ" - უპასუხა ბაშალეიშვილმა.

მან უარყო ასევე გავრცელებული ინფორმაცია თითქოს ის შემთხვევის დროს ნასვამ მდგომარეობაში იმყოფებოდა.

შეგახსენებთ, ბუტა რობაქიძის მკვლელობის საქმეზე სამსახურებრივი უფლებამოსილების ბოროტად გამოყენებას შსს ყოფილ მაღალჩინოსნებს ედავებიან. აღნიშნულზე ბრალდებულია 5 პირი : გურამ დონაძე, ირაკლი ფირცხალავა, ზაზა ბაქრაძე, დავით იაშვილი და ზურა მიქაძე.