იტალიელმა კარაბინერებმა 56 ადამიანი სიცილიური მაფიის „კოზა ნოსტრას“ წინააღმდეგ ბრძოლის ფარგლებში დააკავეს. დაკავებულთა შორის არიან აგრიჯენტოს პროვინციის 16 მაფიოზური ოჯახის წარმომადგენლები და ქალაქ სან-ბიაჯიო-პლატანის მერი.

დაკავებულებს მაფიოზური ორგანიზაციის შექმნაში, ადგილობრივი კომპანიებისთვის ფულის გამოძალვასა ნარკოტრაფიკში ადანაშაულებენ.

კლანის წევრების კუთვნილებაში მყოფი შვიდი კომპანია სახელმწიფოს საკუთრებაში გადავიდა. ჩატარდა ათობით ჩხრეკა.

გამომძიებლები ვარაუდობენ, რომ სან-ბიაჯიო-პლატანის მერმა სანტო საბელამ თანამდებობა „კოზა ნოსტრასთან“ კავშირის წყალობით მიიღო. ის 2014 წელს ადგილობრივ არჩევნებში კანდიდატურებს მაფიასთან ათანხმებდა.

აგრიჯენტოს ისტორიაში ყველაზე ფართომასშტაბიან ოპერაციაში ჩართული იყო 500 პოლიციელი, ვერტმფრენი და კინოლოგების ქვედანაყოფები.