ჯერარდ ბატლერმა საიდუმლო გაამხილა, რომლის გაგებაც ბევრს სურდა: ანჯელინა ჯოლიმ იცის უკეთესი კოცნა თუ ჯენიფერ ენისტონმა? ორი მშვენიერი მსახიობი დიდი ხნის განმავლობაში იყვნენ მეტოქეები. ჯოლიმ ენისტონს ბრედ პიტი წაართვა და ყოველთვის მიიჩნეოდა სასიყვარულო ურთიერთობების გამარჯვებულად.

 ჯერარდ ბატლერი ფილმებში პარტნიორობას ორივე მსახიობს უწევდა. ამიტომაც ჰქონდა უნიკალური შესაძლებლობა ორივე პარტნიორის მოფერება ერთმანეთისთვის შეედარებინა. ამის შესახებ 48 წლის ჯერარდმა ტელეშოუ Watch What Happens Live-სთან ისაუბრა.

სამართლიანობისთვის უნდა ითქვას, რომ ბატლერს ამის შესახებ გულახდილი საუბარი სულაც არ უნდოდა. მაგრამ შოუს წამყვანმა ენდი კოენმა მსახიობს პასუხი მაინც გამოსტყუა.

შეკითხვაზე ჯოლიმ უკეთესი კოცნა იცის თუ ენისტონმა, ბატლერმა უპასუხა: ჯენიფერ ენისტონმა!

მსახიობს დეტალებზე აღარ უსაუბრია.

ჯერარდ ბატლერმა ანჯელინა ჯოლის პირველად 2003 წელს აკოცა. მსახიობები ერთად თამაშობდნენ ფილმში „ლარა კროფტი: სამარხების მძარცველი“. ჯენიფერ ენისტონს კი ჯერარდმა რამდენიმე წლის შემდეგ 2010 წელს ფილმ „თავებზე მონადირეს“ გადაღების დროს აკოცა.

შეგახსენებთ, რომ ჯენიფერ ენისტონი ბრედ პიტს ხუთწლიანი ქორწინების შემდეგ გაშორდა. ცოლ-ქმარი მას შემდეგ განქორწინდა, რაც ცნობილი გახდა, რომ ფილმში „მისტერ და მისის სმიტები“  ბრედ პიტის პარტნიორი ანჯელინა ჯოლი მისგან ბავშვს ელოდებოდა.

ანჯელინა ჯოლი და  ბრედ პიტი ოფიციალურად 2014 წელს დაქორწინდნენ.  გასული წლის სექტემბერში კი განქორწინების შესახებ განაცახდეს. წყვილს ექვსი შვილი ჰყავს.