აშშ-ის პრეზიდენტი დონალდ ტრამპი ციურიხში ჩავიდა, საიდანაც დავოსში მსოფლიო ეკონომიკურ ფორუმზე დასასწრებად გაემგზავრება.

შვეიცარიაში გამგზავრებადმე ამერიკის ლიდერმა twitter-ში დაწერა: „მალე გავემგზავრები დავოსში, შვეიცარიაში, რათა მთელს მსოფლიოს მოვუყვე იმის შესახებ, რამდენად დიდია ამერიკა და რა შესანიშნავად მიდის საქმეები ამერიკაში“.

ფორუმის ფარგლებში ტრამპი მსოფლიო ლიდერებს შეხვდება, მათ შორის დიდი ბრიტანეთისა და ისრაელის პრემიერ-მინისტრებს ტერეზა მეისა და ბინიამინ ნეთანიაჰუს. ის ევროპის საქმიანი წრეების წარმომადგენლებთან ერთად საზეიმო ვახშამსაც დაესწრება. 26 იანვარს კი აშშ-ის პრეზიდენტი ფორუმზე სიტყვით გამოვა.  

ტრამპის ვიზიტის გამო შვეიცარიაში საპროტესტო აქციები იმართება.

ასობით ადამიანი გამოვიდა შვეიცარიის  ქალაქებში, მათ შორის ციურიხში, ჟენევასა და ლოზანაში. აქციის მონაწილეები ამერიკის ლიდერს რასიზმში, სექსიზმსა და ჰომოფობიაში ადანაშაულებენ. აქციის მონაწილეებმა უკმაყოფილება გამოთქვეს ტრამპის საიმიგრაციო პოლიტიკასთანაც დაკავშირებით.