ტაილანდელმა ჯირავუტ პონგფანმა, რომელმაც ლატარიაში ერთ მლნ-მდე ფუნტი მოიგო, მომგებიანი ბილეთი დაკარგა და თავი მოიკლა. ამის შესახებ ბრიტანული გამოცემა Mirror-ი წერს.

მამაკაცმა მოგების აღნიშვნა ოჯახთან და მეგობრებთან ერთად გადაწყვიტა და ისინი სახლში დაპატიჟა. თუმცა, მეორე დღეს მან ბედნიერი ბილეთი, რომელსაც მისთვის 950 ათასი ფუნტი უნდა მოეტანა, ვეღარ იპოვა.

პონგფანს სულ რვა ბილეთი ჰქონდა ნაყიდი, მას შემდეგ რაც მან ბილეთი დაკარგა, დეპრესიაში ჩავარდა და სამუშაოსაც თავი დაანება.

ბოლოს კი თავი მოიკლა. სიკვდილის წინ მან წერილი დატოვა. „ძალიან ვწუხვარ, გთხოვთ ჩემს ოჯახს არაფერი დაუშაოთ. მე მართლაც მოვიგე ლატარია“.

სად დაიკარგა ბილეთი, ან თანხის წასაღებად ლატარიის კომპანიას ვინმემ მიაკითხა თუ არა, ჯერჯერობით უცნობია.