ამერიკის ვირჯინიის შტატში ცაზე გიგანტური, რამდენიმე კმ სიგრძის ღრუბელი გაჩნდა. იშვიათი სანახაობის კადრები YouTube-ზე გამოქვეყნდა.
უცნაური ღრუბელი ქალაქ რიჩმონდის ცაზე დაფიქსირდა.

ერთ-ერთი თვითმხილველი, რომელმაც ეს სანახაობა კამერით აღბეჭდა, სამსახურში წასასვლელად ემზადებოდა, როდესაც  სამზარეულის ფანჯრებდან გრძელი ღრუბელი დაინახა. მისი თქმით, ეს უზარმაზარი მილი ცაზე ფერებს იცვლიდა.

ამოუცნობი მოვლენა ცაზე იშვიათად ჩნდება, ამიტომ მეცნიერებს ის დღემდე ბოლომდე არ აქვთ შესწავლილი. ღრუბლის მილი დედამიწიდან 100-2000 მეტრის სიმაღლეზე მდებარეობს. მისმა სიგრძემ შესაძლოა ათასს კილომეტრსაც მიაღწიოს.