რადიკალური მოძრაობა ,,თალიბანი" ამერიკელ ხალხს ღია წერილით მიმართავს და მოუწოდებს იზრუნონ ავღანეთში კონფლიქტის დასრულებასა და გამოუცდელი პოლიტიკოსის, დონალდ ტრამპის პოლიტიკის დასრულებაზე. მოძრაობის განცხადებით, მათი სურვილი, დამყარდეს მშვიდობა და დასრულდეს 17 წლიანი ომი, სისუსტეს არ ნიშნავს.

წერილს, რომელიც „თალიბანის“ პრეს-სპიკერმა, ზაბიჰულა მუჯაჰიდდა 10 ენაზე გაავრცელა, The Telegraph-ი აქვეყნებს.

ავტორი იმედს გამოთქვამს, რომ ამერიკელები წერილს დაკვირვებით წაიკითხავენ  და სწორად შეაფასებენ რეალობასთან კავშირში.

„თალიბანს“ სურს, ავღანეთის ტერიტორიიდან უცხო ქვეყნის ჯარების გავიდეს და აშშ-ისგან მხარდაჭერილი მთავრობა შეიცვალოს:

 „ამერიკას არ აქვს უფლება, სხვა ქვეყნების კანონებსა და მმართველობის სისტემებს წყვეტდეს. 2001 წელს, ავღანეთში ომი სწორედ თქვენი ოფიციალური პირების მცდარი პროპაგანდის წყალობით დაიწყო. მნიშვნელობა არ აქვს, რა სახელს არქმევენ თქვენი მმართველები ამ ომს, რეალობა ისაა, რომ ათობით ათასი ავღანელი ბავშვებისა და ქალების ჩათვლით თქვენმა ძალებმა აწამეს. ჯერ კიდევა არ არის გვიან, გაიგოთ, რომ ისლამურ ემირატებს ისლამური ემირატი ჯანსაღი პოლიტიკითა და დიალოგით გადაჭრის თავის პრობლემებს“, - ნათქვამია წერილში.