კემბრიჯის უნივერსიტეტის ცენტრის სპეციალისტები ხელოვნური ინტელექტის საფრთხის შესახებ მოხსენებას ავრცელებენ .

,,ჭურვად გარდაქმნა, ყალბი ვიდეოები, რომლებიც ცნობიერების მანიპულაციას მოახდენენ და კომპიუტერის ავტომატური გატეხვა", - როგორც BBC წერს, ეს არის ხელოვნური ინტელექტის ის სამი ძირითადი საფრთხე, რომელიც შეიძლება, კაცობრიობას დაემუქროს, თუკი ის არასწორ ხელში მოხვდება.

გამოქვეყნებული მოხსენების თანახმად, თავისუფლად შეიძლება, ხელოვნური ინტელექტი დამნაშავეებმა და ტერორისტებმა ბოროტად გამოიყენონ. 

"მათ ვინც ხელოვნური ინტელექტის სისტემაზე მუშაობენ, დიდი ძალისხმევა უნდა ჩადონ, რათა ტექნოლოგიამ ზიანი არავის მიაყენოს", - გვაფრთხილებენ მოხსენების ავტორები და მთავრობას მოუწოდებენ, ახალი კანონების მიღებამდე სათანადოდ დაფიქრდნენ.

კემბრიჯის უნივერსიტეტის ცენტრის სპეციალისტმა, რომელიც ეგზისტენციალურ რისკებს იკვლევს BBC-ის განუცხადა, რომ მოხსენებაში განსაკუთრებული ყურადღება მიექცა სწორედ იმ ხელოვნურ ინტელექტს, რომელიც უკვე ხელმისწვდომია და მომდევნო 5 წლის განმავლობაში, სავარაუდოდ, ბევრად უფრო ხელმისაწვდომი გახდება.

სპეციალისტებში განსაკუთრებულ შეშფოთებას იწვევს ხელოვნური ინტელექტის სწავლების ახალი მეთოდები - როცა ტექნიკა ადის ზეადამიანური ინტელექტუალური შესაძლებლობების ზღვარზე და ამავდროულად არ ჰყავს ხელმძღვანელი ადამიანურ დონეზე.