კიევში, რადას შენობასთან, მიხეილ სააკაშვილის მომხრეებთან დაპირისპირებისას 13 ძალოვანი დაშავდა. რამდენიმეს აქვს ცხვირისა და ლავიწის მოტეხილობები.

,,დაკავებულია ცხრა სამართალდამრღვევი“, - ამის შესახებ განაცხადა უკრაინის შინაგან საქმეთა მინისტრის მრჩეველმა ზორიან შკირიაკმა საკუთარი ,,ფეისბუქის“ გვერდზე გაავრცელა.

მისივე ინფორმაციით, დემონსტრანტებმა გამოიყენეს „მოლოტოვის კოქტეილები“, ხელკეტები და მეტალის საგნები და ცდილობდნენ საბურავების დაწვას. 

დილით პარლამენტის შენობასთან ძალოვანებსა და აქციის მონაწილეებს შორის შეტაკება მოხდა. 

ადგილობრივი მედიის ცნობით, ჩხუბი მას შემდეგ დაიწყო, რაც აქციის მონაწილეებმა პარლამენტის წინ საბურავები დაწვეს. სამართალდამცველებმა ამის აღკვეთა სცადეს, რასაც ჩხუბი და ქვების სროლა მოჰყვა. 

"სახალხო ფრონტის" დეპუტატის ანტონ გერაშენკოს განცახდებით, სააკაშვილის მხარდამჭერებმა რადასთან საბურავების დაწვა სცადეს, რისი უფლებაც მათ სამართალდამცველებმა არ მისცეს. დაპირისპირება სწორედ ამის შემდეგ დაიწყო. პოლიციამ 9 ადამიანი დააკავა.

მიხეილ სააკაშვილი პოლონეთში უკრაინიდან 12 თებერვალს გააძევეს.