ამერიკის ჯორჯიის შტატის ერთ-ერთ სკოლაში მასწავლებელმა სროლა ატეხა. ინციდენტის შედეგად ბავშვები არ დაშავებულან და ისინი უსაფრთხოდ არიან. სკოლაში სწავლის პროცესი დროებით შეწყდა.
პოლიციის ინფორმაციით, მასწავლებელი შემთხვევის შემდეგ ერთ-ერთ საკლასო ოთახში ჩაიკეტა, თუმცა მოგვიანებით სამართლადამცავებმა მისი დაკავება მოახერხეს.

აშშ-ში ფლორიდის შტატის სკოლაში  მომხდარი მკვლელობების შემდეგ მსგავს ინციდენტებს განსაკუთრებულ ყურადღებას აქცევენ.

როგორც ცნობილია, 14 თებერვალს ქალაქ პარკლენდის სკოლაში ყოფილმა მოსწავლემ ცეცხლსასროლი იარაღით 17 ადამიანი მოკლა. მოგვიანებით გაირკვა, რომ მას ფსიქიკური პრობლემები ჰქონდა.

პრეზიდენტმა დონალდ ტრამპი ზოგიერთი მასწავლებლის შეიარაღების ვარიანტებსაც განიხილავს, რათა მათ საშიშროების შემთხვევაში მოსწავლეების დაცვა შეძლონ. ამ წინადადებას საზოგადოების დიდი ნაწილი კრიტიკით შეხვდა, რადგან ადამიანები შიშობენ, რომ მსგავსი ინციდენტები შესაძლოა კიდევ უფრო გაიზარდოს.