ნიუ-იორკის ხელისუფლება სამ მუსულმან ქალს, რომელსაც პოლიციამ ხიჯაბის მოხსნა აიძულა, კომპენსაციის სახით 180 ათას დოლარს გადაუხდის.

ქალებმა სასამართლოს მიმართეს მათი რელიგიური უფლების დარღვევისთვის. მაგრამ საქმე დაიხურა ბრალის წაუყენებლად. წერს „The New York Times“-ი.

ცნობისთვის, პირველი შემთხვევა ჯერ კიდევ 6 წლის წინ მოხდა, როცა დამცირებისთვის დაკავებული სკოლის მოსწავლე განყოფილებაში მიიყვანეს, სადაც მოთხოვეს ხიჯაბი მოეხადა, რათა გადაეღოთ სურათი მონაცემთა ბაზისთვის. სამი წლის შემდეგ კიდევ ერთმა მუსულმანმა ქალმა, რომელიც დაკავებული იყო კანონდარღვევისთვის, უარი თქვა ხაჯიბის მოხსნაზე და განმარტა, რომ არ შეუძლია სახე გამოაჩინოს მამაკაცის წინაშე, რომელიც არაა მისი ოჯახის წევრი, თუმცა მასაც აიძულეს თავსაბურავის მოხდა. მესამე შემთხვევის შესახებ დეტალები არ ვრცელდება.

ქალაქის ადმინისტრაციის იურიდიული დეპარტამენტის სპიკერმა განაცხადა, რომ „დავა მოგვარდა ყველა მხარის ინტერესებიდან გამომდინარე" და თითოეული დაზარალებული კომპენსაციის სახით 60 ათას დოლარს მიიღებს.