ბრიტანული ჯგუფის The Rolling Stones-ის გიტარისტმა კიტ რიჩარდსმა, კოლექტივის ფრონტმენს მიკ ჯაგერს ჯერ სტერილიზაციის გაკეთება ურჩია შემდეგ კი თავისი  სიტყვებისთვის ბოდიში მოიხადა.

ცოტა ხნის წინ რიჩარდმა The Wall Street Journal-თან 74 წლის ჯაგერის მერვე შვილის დაბადების შესახებ კომენტარი გააკეთა.

 „დადგა ვაზექტომიის გაკეთების დრო - არ შეიძლება ამ ასაკში მამა გახდე. საწყალი ბავშვები! - განაცხადა მუსიკოსმა.

მოგვიანებით რიჩარდსმა ჯაგერს ბოდიში პირადად მოუხადა, რის შესახებაც „ტვიტერში“ დაწერა და აღნიშნა, რომ მისი განცხადებები დაშვებულის ჩარჩოებიდან გამოვიდა.

2016 წლის დეკემბერში მიკ ჯაგერს მერვე შვილი შეეძინა. მომღერალს ვაჟი 29 წლის ბალერინამ მელანი ჰემრიკმა გაუჩინა.