ახალი ზელანდიის უსაფრთხოების სამსახურმა გაამხილა ინფორმაცია, რომლის მიხედვითაც 17 წლის მოზარდი დედოფალ ელისაბედ მეორის მოკლვას შეეცადა 1981 წელს ქვეყანაში მისი ვიზიტის დროს.

დაზვერვამ მონარქზე თავდასხმის მონაცემები პირველად დაადასტურა. აღნიშნულია, რომ ქრისტოფერ ლიუისმა მაშინ ისროლა, როდესაც ელისაბედ მეორე ავტომობილიდან გადმოდიოდა. ინციდენტი ქალაქ დანიდინში მოხდა.

მაშინ მოზარდს ბრალი მხოლოდ იარაღის შენახვისთვის წარუდგინეს, იმის მიუხედავად რომ თვითმხილველებმა გასროლის ხმა გაიგეს. ყოფილი პოლიციელი ტომ ლიუისი, რომელსაც საქმის გამოძიება დაევალა, აცხადებს, რომ პოლიცია  ცდილობდა საქმის დეტალების დამალვას და ბრალდებების ჩვენებებიც გაანადაგურა.

10 წლის შემდეგ კრისტოფერ ლიუისი ქალის მკველობაში დაადანაშაულეს. ის ციხეში 1997 წელს გარდაიცვალა. გარდაცვალებამდე მან განაცხადა, რომ ციხეში იმ დანაშაულისთვის იჯდა, რაც არ ჩაუდენია.

მედიის ცნობით, გამოძიება თავიდან დაიწყება. ხანდაზმულობის გამო მას შესაძლოა გარკვეული დრო დასჭირდეს.