ბორჯომის მუნიციპალიტეტის საკრებულოში მიმდინარე მოვლენების განხილვას დაპირისპირება მოჰყვა პარლამენტში რეგიონული პოლიტიკისა და თვითმმართველობის კომიტეტის სხდომაზე.

,,თქვენი დრო დამთავრდა... ვიდრე იმათ ცემაზე თქვენ არ აგებთ პასუხს, მანამდე თქვენი გამოჩენა საზოგადოებაში იქნება პრობლემა, უნდა გრცხვენოდეთ“- ასე მიმართა ენძელა მაჭავარიანმა ხატია დეკანოიძეს მაჭავარიანმა.

დეკანოიძემ მოკლე რეპლიკით უპასუხა და უთხრა, რომ ბიძინა ივანიშვილთან წასულიყო. მაჭავარიანმა დეკანოიძეს ივანიშვილის ხსენებაც აუკრძალა.

,,ბიძინა ივანიშვილი შენს წონაში არ გამოდის საყვარელო და პირი გამოირეცხე,“- უთხრა დეკანოიძეს მაჭავარიანმა.

ოპოზიცია უმრავლესობისგან პასუხს ითხოვდა, თუ რატომ არ განმუხტა დროულად პოლიციამ ბორჯომის საკრებულოში მიმდინარე დაპირისპირება. ,,ნაციონალური მოძრაობისა" და ,,ევროპული საქართველოს" წევრები მმართველ გუნდს  მოუწოდებს ჩავიდნენ ადგილზე და აღკვეთონ საკრებულოს შენობაში მიმდინარე დაპირისპირება, რომელიც ამ დრომდე გრძელდება.