ბოლო ორი თვის განმავლობაში თურქეთში 75 ქალი მოკლეს
თურქეთში 2018 წლის იანვარში 28, ხოლო თებერვალში 47 ქალი მოკლეს. საერთო ჯამში, ბოლო ორი თვის განმავლობაში, თურქეთში 75 ქალია მოკლული, ამის შესახებ ინფორმაციას თურქული გამოცემა Hurriyet Daily News-ი არასამთავრობო ორგანიზაცია We Will Stop Femicides Platform-ზე დაყრდნობით ავრცელებს.
მათი ცნობით, გასულ თვეში, 47 მოკლული ქალიდან 21 სახლში, 7 ქუჩაში, 3 მანქანაში, 2 კი, სამსახურში მოკლეს. ორგანიზაციის ინფორმაციით, 26% საკუთარმა მეუღლეებმა მოკლეს.
როგორც გამოცემა არასამთავრობოზე დაყრდნობით წერს, გასულ წელს თურქეთში 409 ქალი მოკლეს და 387 ბავშვზე სექსუალურად იძალადეს.
