რუსეთის  სამხედრო დაზვერვის ყოფილი თანამშრომლის სერგეი სკრიპალის მოწამვლის გარშემო საკნდალი გრძელდება. დიდი ბრიტანეთის საგარეო საქმეთა მინისტრმა ბორის ჯონსონმა განაცხადა, რომ თუ სკრიპალის სიკვდილში მოსკოვის მონაწილეობა დამტკიცდება, რუსეთთან ურთიერთობის საკითხი გადაიხედება.

 „შესაძლებელია, რომ რუსეთის მიმართ სანქციები და სხვა ზომები გადაიხედოს“, - განაცხადა მინისტრმა ბრიტანეთის პარლამენტში გამოსვლისას.

 „თვლასაჩინოა, რომ მოსკოვი დღეს მოქმედებს როგორც დამანგრეველი და დამღუპველი ძალა. დიდი ბრიტანეთი რუსეთთან მწვავე ბრძოლაში იმყოფება. ვფიქრობ, რომ მოგვიწევს სერიოზულად გადავხედოთ ამ ქვეყანასთან ჩვენს ურთიერთობებს. ძნელია იმის წარმოდგენა, რომ ინგლისის ნაკრები 2018 წლის ფეხბურთის მსოფლიო ჩემპიონატში მიიღებს მონაწილეობას“, - განაცხადა ჯონსონმა.

უილტშირის საგრაფოში  მცხოვრები რუსეთის დაზვერვის სამმართველოს ყოფილი ოფიცერი სერგეი სკრიპალი, რომელიც რუსეთში სამშობლოს ღალატისთვის იყო გასამართლებული, უცნობი შხამით მოწამლეს. მასთან ერთად მოწამლეს მისი 30 წლის ქალიშვილიც.