სერბეთში საქართველოს საგარეო საქმეთა მინისტრი მიხეილ ჯანელიძესა და სერბეთის პრეზიდენტ ალექსანდარ ვუჩიჩს შორის შეხვედრა გაიმართა. 

შეხვედრაზე სხვადასხვა საკითხები განიხილეს, მათ შორის ორ ქვეყანას შორის უვიზო მიმოსვლა.

სერბეთის პრეზიდენტი მიესალმა საქართველოსა და სერბეთს შორის უვიზო მიმოსვლის შესახებ შეთანხმებას, რომელიც მიხეილ ჯანელიძის სერბეთში ვიზიტის ფარგლებში გაფორმდება და აღნიშნა, რომ სერბეთის მთავრობა აღნიშნული შეთანხმების ამოქმედებას უახლოეს დღეებშივე მოახდენს. 

მხარეებმა ხაზი გაუსვეს უვიზო მიმოსვლის მნიშვნელობას ხალხთაშორისი კონტაქტებისა და ტურიზმის სფეროში თანამშრომლობის გაღრმავებისთვის.