კამერონის დიასის კინოდან წასვლის შესახებ ინფორმაცია ხუმრობა აღმოჩნდა
დღეს, სხვადასხვა გამომცემებში გავრცელებული ინფორმაცია კამერონ დიასის სამსახიობო კარიერის დასრულების შესახებ ხუმრობა აღმოჩნდა.
Metro News UK-სთან ინტერვიუში კამერონ დიასის მეგობარმა სელმა ბლერმა განაცხადა, რომ კამერონ დიასი კინოდან წავიდა, რადგან სურდა ოჯახთან უფრო მეტი დროის გატარება.
მოგვიანებით, ბლერმა ტვიტერზე გამოაქვეყნა ინფორმაცია, რომ კამერონის სამომავლო გეგმების შესახებ უბრალოდ იხუმრა. ეს ხუმრობა დიასის მეგობარს „ძვირად დაუჯდება“, რადგან ამავე პოსტში, ის აღნიშნავს, რომ მას ამ ხუმრობის გამო მსახიობის სპიკერობიდან გადადგომა მოუწევს.
