ბუნდესტაგი გერმანიის კანცლერის პოსტზე მერკელის კანდიდატურას კენჭს უყრის
ბუნდესტაგი გერმანიის კანცლერის პოსტზე ანგელა მერკელის კანდიდატურას კენჭს დღეს უყრის. ამით გერმანიის მთავრობის ფორმირების ხანგრძლივი პროცესი დასრულდება, რომელიც 171 დღეა გრძელდება.
გერმანიის მოსახლეობა ხმას პარტიებს აძლევს, თითოეული მათგანი კი მინისტრთა კაბინეტის ხელმძღვანელის თანამდებობაზე თავის კანდიდატურას ასახელებს. შემდეგ კანცლერს ახალი მოწვევის ბუნდესტაგი ფარული კენჭისყრით ირჩევს.
მერკელის მეოთხე ვადით არჩევისთვის პარლამენტარების უმრავლესობის მხარდაჭერაა საჭირო.
უნდა აღინიშნოს, რომ ანგელა მერკელი პირველი და ერთადერთი ქალია გერმანიის ისტორიაში კანცლერის თანამდებობაზე.
