ნივთიერება, რომლითაც ყოფილი რუსი ჯაშუში სერგეი სკრიპალი მოწამლეს, მისი ქალიშვილის იულიას ჩემოდანში იყო მოთავსებული. ამის შესახებ ბრიტანული გაზეთი The Telegraph-ი სპეცსამსახურების წყაროზე დაყრდნობით წერს.

გამოცემის ცნობით, ბარგი სოლსბერიში სკრიპალის სახლში უნდა გაეხსნათ. გავრცელებული ცნობით, ნერვულ-პარალიტური ნივთიერებით სავარაუდოდ გაჟღენთილი იყო იულიას ტანსაცმელი, საჩუქრები და კოსმეტიკა.

ბრიტანეთის პრემიერ-მინისტრმა ტერზეა მეიმ რუსეთი სკრიპალის მოწამვალაში ღიად დაადანაშაულა და მოსკოვის წინააღმდეგ სანქციების დაწესების შესახებ განაცხადა.  რუსეთის წინააღმდეგ ღონისძიებათა ჩამონათვალშია 23 რუსი დიპლომატის გაძევება, ყველა მაღალი დონის ორმხრივი კონტაქტის შეჩერება, ასევე რუსეთის საგარეო საქმეთა მინისტრის სერგეი ლავროვის ლონდონში ვიზიტის გაუქმება.  

ლავროვის უწყებამ ლონდონის ქმედებას „საინფორმაციო-პოლიტიკური შოუ“ უწოდა, სკრიპალის მოწამვლაში რუსეთის დადანაშაულებას კი - „აბსოლუტურად შეშლილი“ ქმედება.  

უწყებაში აღნიშნეს, რომ მოსკოვი უახლოეს ხანებში მოამზადებს ადეკვატურ პასუხს ლონდონის ქმედებებზე, მათ შორის ბრიტანელი დიპლომატების გაძევებაც იგეგმება.