ინდოეთის ერთ-ერთ სოფელში მაიმუნმა  ბავშვი გაიტაცა და ჭაში ჩააგდო. ამის შესახებ ინდური მედია წერს.

ბავშვის დედა ამტკიცებს, რომ მაკაკა სახლში შეიპარა და მძინარე ახალშობილი გაიტაცა. შემდეგ სახლის სახურავზე ავიდა და მიიმალა. მშობლები დაკარგულ ბავშვს უშედეგოდ ეძებდნენ.

მომდევნო დღეს სოფლის ერთ-ერთმა მცხოვრებმა ჭაში ახალშობილის ცხედარი შენიშნა. ექსპერტიზამ აჩვენა, რომ ის დაიხრჩო. ნათესავები ვარაუდობენ, რომ მაიმუნს ბავშვი ჭაში შემთხვევით ჩაუვარდა.

პოლიციელთა განცხადებით, მაიმუნები  ხშირად თავს ესხმიან ადამიანებს და  საკვების მოსაპოვებლად სახლებში შედიან. თუმცა მათი თქმით, პირველი შემთხვევაა, როდესაც მაიმუნმა ბავშვი გაიტაცა.

მაკაკა-რეზუსი მსოფლიოში პრიმატების ყველაზე გავრცელებული სახეობაა. ის გხვდება ინდოეთში, ბანგლადეშში, პაკისტანში, ნეპალში, მიანმაში, ტაილანდში, ავღანეთში, ვიეტნამსა და ჩინეთის სამხრეთით. ინდოელები მას წმინდა ცხოველად მიიჩნევენ.