საპარლამენტო ფრაქცია „პატრიოტთა ალიანსის“ წევრი ადა მარშანია გედევან ფოფხაძეს პარტიაში ეპატიჟება.

ადა მარშანიამ იმედი გამოთქვა, რომ ფოფხაძე ამ საკითხს სერიოზულად განიხილავს.

"მივესალმები ბატონ გედევანის გადაწყვეტილებას. ის გამორჩეული ადამიანია უმრავლესობაში, მე ეს ყოველთვის ვიცოდი. ეს კიდევ ერთხელ დამტკიცდა დღეს და ვიმედოვნებ, რომ ბატონი გედევანი ჩვენს ფრაქციაში შემოსვლის საკითხს სერიოზულად განიხილავს. მგონი ბევრ საკითხზე ჩვენ ერთნაირად ვფიქრობთ“, - განაცხადა მარშანიამ.

ცნობისთვის, დეპუტატი გედევან ფოფხაძე საპარლამენტო უმრავლესობას ტოვებს.

ფოფხაძის განმარტებით, "ქართულმა ოცნებამ" ისეთი ღირებულებები აირჩია, რომელიც მისთვის მიუღებელია.

შეგახსენებთ, საზოგადოებრივი მაუწყებლის სამეურვეო საბჭოს წევრად ნინია კაკაბაძე პარლამენტმა დღეს დაამტკიცა.