ინგლისელმა ფსიქოლოგებმა ფინჯანი ყავის დალევამდე და დალევის შემდეგ ქალისა და მამაკაცის ქცევას შორის განსხვავება გამოიკვლიეს. ქალებს გამამხნევებელი სასმელის გავლენა საშუალებას აძლევდათ სტრესულ სიტუაციაში ემოქმედათ ოპერატიულად და ეფექტურად. ხოლო მამაკაცებს კი, პირიქით ხელს უშლიდა ეფიქრათ ლოგიკურად, მიეღოთ სწორი და სწრაფი გადაწყვეტილება.

ექსპერიმენტში სპეციალისტებმა 64 მოხალისე ჩართეს, ისინი 32 ერთსქესიან თანატოლ წყვილად დაყვეს. თითოეულ ადამიანს ოთხი ტესტი ელოდა: თავსატეხის ამოხსნა, მოლაპარაკებების წარმართვა, ტესტი მეხსიერებაზე და სამი წინა ტესტის საჯარო პრეზენტაცია. სანამ ამ პროგრამის განხორციელებას შეუდგებოდნენ, 16 წყვილმა მიიღო ფინჯანი ყავა, ხოლო სხვა მონაწილეებს შეხვდათ სასმელი კოფეინის გარეშე.

კვლევების შედეგებმა აჩვენა, რომ ყავის გავლენით ქალებმა შეძლეს აეწყოთ თავსატეხი საშუალოდ 100 წამით ადრე იმ ქალებზე, ვინც უკოფეინო სასმელს მიირთმევდა. რაც შეეხებათ მამაკაცებს - კოფეინმიღებულთა რეაქცია თავსატეხის აწყობისას 20 წამით ჩამორჩებოდა, ხოლო მეხსიერების ტესტში სრული ჩავარდნა ჰქონდათ.

ამგვარად, მეცნიერებმა დაამტკიცეს, რომ ყავის მიღება ადუნებს მამაკაცის ინტელექტს. შესაბამისად, ამ სასმელის მიღება მნიშვნელოვანი ღონისძიებების წინ მამაკაცებისთვის რეკომენდირებული არ არის. ხოლო, ქალებისთვის ყავა სასარგებლოა: ყოველდღიურად 4 ფინჯანი ყავა თავიდან ააცილებთ საშვილოსნოს ყელის კიბოს, ამასთან ყავა შეიძლება არც შეიცავდეს კოფეინს. 

"თუ ქალები ყოველდღიურად 4 ფინჯან ყავას ღებულობენ, საშვილოსნოს ყელის კიბოს წარმოქმნის რისკი 25% -ით მცირდება, იმასთან შედარებით ვინც დღეში ერთი ფინჯანით ნაკლებს სვამს", - მიიჩნევენ ექსპერტები.

ქალები, რომლებიც დღეში 2-3 ფინჯან ყავას მიირთმევენ 15%-ით ნაკლებად იტანჯებიან დეპრესიით, ვიდრე ისინი, ვინც იშვიათად ღებულობს ამ სასმელს.