როცა მტკიცებულებები გაგვაჩნია, უნდა შევსულიყავით თუ არა კლუბში? ვფიქრობ, აქ კითხვის ნიშნები არ არსებობს - განაცხადა პარლამენტში სიტყვით გამოსვლისას შს მინისტრმა, გიორგი გახარიამ. მან 12 მაისს განვითარებულ მოვლენებზე საუბარი პოლიციელებისთვის მადლობის გადახდით დაიწყო.

მინისტრმა თავის სიტყვაში იმ მტკიცებულებებზე ისაუბრა, რომელიც სამართალდამცავებს ნარკოტიკების გამსაღებლების მიმართ გააჩნიათ.

„პირადპირ ვადასტურტებთ, რომ კონკრეტული ადამიანები კონკრეტულ კლუბებში სისტემურად სხვადასხვა დროს და რამდენჯერმე ახორციელებდნენ ნარკოტიკული საშუალებების გაყიდვას, რაც ფაქტობრივად იმაზე მიგვითითებს, რომ ეს იყო დაგეგმილი მოვლენა. სასამართლოს განჩინების საფუძველზე საკონტროლო შესყიდვის 20-ზე მეტი კონკრეტული ფაქტი გვაქვს დაფიქსირებული, როგორც კლუბის მიმდბეარე ტერიტორიაზე, ასევე კლუბის შიგნით.

ერთ-ერთი კლუბის წინ, შესასვლელთან, ორი ახალგაზრდა ხვდება ერთმანეთს, ერთი კლუბიდან გამოდის, ისინი საუბრობენ ნარკოტიკული საშუალების ყიდვა-გაყიდვის აქტზე, რომლის დროსაც შეთანხმება ხდება ფასზე, შემდგომ მყიდველი გადასცემს თანხას და ამბობს, კონკრეტული თანხა არ მაქვსო, ხურდაზეა საუბარი. გამყიდველი იღებს თანხას, შედის ყევლანაირი დაცვის ავლით კლუბში, ბრუნდება კლუბიდან, გადმოსცემს კონკრეტულ ნარკოტიკულ საშუალებას და ხურდას აბრუნებს.

მეორე შემთხვევა პირდაპირ მიგვითითებს სისტემურ კავშირზე ნარკოტიკის გამსაღებლებსა და კლუბს შორის. ერთ-ერთ კლუბში ნარკოტიკის გაყიდვას დაცვის უფროსი ახროციელებდა. ჩნდება კითხვა, როცა მსგავსი მტკიცებულებები გაგვაჩნია, უნდა შევსულიყავით თუ არა კლუბში? მე ვფიქრობ, აქ კითხვის ნიშნები არ არსებობს. თუ ფორმზე არსებობს რაიმე შეკითხვები, მზად ვართ, ამაზეც გავცეთ პასუხები. აბსოლუტურად გვაქვს შინაგანი რწმენა იმაში, რომ სწორად და ჩვენი მოქალაქეების უფლებების მაქსიმალური დაცვით მოვიქეცით. თუ ერთი ფაქტი მაინც უფლებამოსილების გადამეტების დადასტურება, ამაზე ღია ტრანსპარენტული რეაქცია გვექნება", - განაცხადა გახარიამ.