ბრიუსელში დღეს ნატოს მინისტერიალი იხსნება - ორ დღიან შეხვედრებზე განსახილველ საკითხებს შორის იქნება ნატო-რუსეთის სამომავლო ურთიერთობები.

ერთ-ერთი მთავარი თემა იქნება ნატოს ახალი სტრატეგია ჰიბრიდული ომების თავიდან ასაცილებლად, რომელზე მუშაობაც ალიანსს უკვე დაწყებული აქვს - ამის შესახებ განცხადება იენს სტოლტენბერგმა მინისტერიალის გახსნამდე ერთი დღით ადრე გააკეთა.

პრესკონფერენციაზე ნატოს გენერალურმა მდივანმა კიდევ ერთხელ ისაუბრა გასულ კვირას თურქეთის მიერ რუსული სამხედრო თვითმფრინავის ჩამოგდების შესახებ და ოფიციალური ანკარას პოზიციას მხარი დაუჭირა.

„მე თურქეთის პრემიერთან ერთად განვიხილე ინციდენტი, რომელიც გასულ კვირას მოხდა. ყველა მოკავშირე მხარს უჭერს თურქეთის უფლებას, რომ დაიცვას საკუთარი ტერიტორიული მთლიანობა და საჰაერო სივრცე. მივესალმები თურქეთის მცდელობას, რომ მოახდინოს სიტუაციის დეესკალაცია და ჰქონდეს კონტაქტი რუსეთთან,“ - განაცხადა იენს სტოლტენბერგმა.