რუმინეთი მტკიცედ უჭერს მხარს საქართველოს ტერიტორიულ მთლიანობასა და სუვერენიტეტს მის საერთაშორისოდ აღიარებული საზღვრების ფარგლებში, ასევე ევროპული და ევროატლანტიკურ ინტეგრაციის გზაზე საქართველოს მთავრობისა და ქართველი ხალხის მიერ განხორციელებულ რეფორმებს", - ნათქვამია "საქართველოს ტერიტორიული მთლიანობისა და ევროკავშირსა და ნატო-ში ინტეგრაციის მხარდაჭერის შესახებ" განცხადებაში, რომელიც რუმინეთის პარლამენტის დეპუტატთა პალატის ევროპულ საქმეთა კომიტეტმა 2015 წლის 24 ნოემბერს მიიღო. 
დოკუმენტის ქართულ თარგმანს საგარეო საქმეთა სამინისტრო ავრცელებს.
საგარეო უწყების ინფორმაციით, კომიტეტი მიესალმება სავიზო რეჟიმის ლიბერალიზაციის სამოქმედო გეგმის განხორციელების პროცესში საქართველოს მიერ მიღწეულ პროგრესს და ელოდება პოზიტიური პოლიტიკური შედეგის დადგომას ევროკავშირსა და საქართველოს შორის უვიზო მიმოსვლის შემოღებასთან დაკავშირებით; საგარეო საქმეთა სამინისტროს ინფორმაციით, ამ კონტექსტში, კომიტეტი საქართველოს მიერ რეფორმების გაგრძელებისა და ასოცირების შესახებ შეთანხმების განხორციელების აუცილებლობაზე ამახვილებს ყურადღებას.
"განცხადებაში პოზიტიურადაა შეფასებული ნატო-ს ეგიდით მიმდინარე ოპერაციებში საქართველოს მიერ შეტანილი წვლილი, ასევე, ნატო-ს სპეციალური მხარდაჭერის პროგრამა საქართველოსთვის. 
განცხადებაში ასევე დაგმობილია რუსეთსა და აფხაზეთს შორის მოკავშირეობისა და სტრატეგიული პარტნიორობის შესახებ 2014 წლის 24 ნოემბრის ხელშეკრულება, ასევე რუსეთსა და სამხრეთ ოსეთს შორის 2015 წლის 18 მარტს გაფორმებული ხელშეკრულება მოკავშირეობისა და ინტეგრაციის შესახებ", - ნათქვამია საგარეო საქმეთა სამინისტროს მიერ გავრცელებულ ინფორმაციაში.