"პოსტ კოვიდურ" პერიოდში ტურიზმის ეროვნული ადმინისტრაცია ქვეყნის მარკეტინგულ კამპანიას კვლავინდებურად გააგრძელებს, რათა საერთაშორისო ასპარეზზე საქართველო წარმოჩინდეს, როგორც ერთ-ერთი უსაფრთხო ქვეყანა.

"ჩვენ წლებია ტურიზმის ადმინისტრაცია, ეკონომიკის სამინისტრო ახორციელებს მარკეტინგულ კამპანიებს, შესაბამისად არხები უცვლელია, მოდიფიცირებულია, ძალიან კარგად ვიცით, როგორ მივწვდეთ იმ საერთაშორისო მოგზაურებს, რომლებიც წლების განმავლობაში და აღმავალი იყო ეს ტრენდი. შესაბამისად მოხდება იგივე პრინციპით, ყველა ის პლატფორმა, არხი, რომელიც კითხვადია, ტენდენციურია და რაც მთავარია, რომელიც პირდაპირ პასუხობს, ჩვენი პოტენციური ტურიზმის ინტერესს იქნება გამოხატული და გამოყენებული. ახალი სარეკლამო სტრატეგია, იმ პერიოდამდე სანამ აქტუალური იქნება უსაფრთხოების ნაწილი ნამდვილად იქნება საქართველო როგორც უსაფრთხო მიმართულება. უსაფრთხოება იქნება ერთ-ერთი მთავარი. უსაფრთხოება და საქართველო ერთ-ერთი პირველი მთელი მსოფლიოს მასშტაბით, რომელმაც განაცხადა, რომ ხსნის ტურისტულ ინდუსტრიას ძალიან მოკლე პერიოდში”, განაცხადა ტურიზმის ეროვნული ადმინისტრაციის ხელმძღვანელმა.

შეგახსენებთ, რომ ტურიზმის ამოქმედების ანტიკრიზისული გეგმის პრეზენტაციაზე საერთაშორისო მარკეტინგული კამპანიის "საქართველო - უსაფრთხო დანიშნულების ადგილი" წარმოება დაანონსდა.