16-17 სექტემბერს თბილისი გაეროს მსოფლიო ტურიზმის ორგანიზაციის (UNWTO) აღმასრულებელი საბჭოს 112-ე სხდომას უმასპინძლებს.

როგორც დღეს საკოორდინაციო საბჭოს სხდომის დასრულების შემდეგ ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა განაცხადა, ღონისძიებაზე დასასწრებად ჩამოდიან მაღალი რანგის წარმომადგენლები სხვადასხვა ქვეყნებიდან.

"16-17 სექტემბერს საქართველო უმასპინძლებს გაეროს მსოფლიო ტურიზმის ორგანიზაციის (UNWTO) ყველაზე მნიშვნელოვან ღონისძიებას. აღნიშნულ ღონისძიებას აქვს რამდენიმე დატვირთვა და ყველაზე მნიშვნელოვანი არის ის, რომ საქართველო კიდევ ერთხელ იქნა შერჩეულია გაეროს მსოფლიო ტურიზმის ორგანიზაციის მიერ როგორც მასპინძელი ქვეყანა, რადგანაც საქართველოს არის მწვანე ზონა. საქართველომ მთელს მსოფლიოს ანახა COVID-19-თან წარმატებული ბრძოლა. ეს არის სწორედ პროცესების ძალიან სწორედ მართვის გამოცდილება. 16-17 სექტემბერს საქართველოს ეწვევა მსოფლიოში ყველაზე გავლენიანი და მნიშვნელოვანი ღირებულების მომტანი საჯარო მოხელეები სხვადასხვა სექტორებიდან, სხვადასხვა ქვეყნებიდან, რომლებიც მართავენ ტურიზმის ინდუსტრიას. გაეროს მსოფლიო ტურიზმის ორგანიზაციის ეგიდით თბილისში ჩატარდება მნიშვნელოვანი სხდომა, რომელიც ყოველთვის ტარდება მადრიდში. ეს იქნება გამონაკლისი, როდესაც ასეთი ღონისძიება ჩატარდება ესპანეთს გარეთ",- განაცხადა მარიამ ქვრივიშვილმა.