ქუთათელ-გაენათელი მიტროპოლიტის მეუფე იოანეს თქმით, მისი მოქალაქეობრივი მოვალებაა, რომ პატივი მიაგოს ხელისუფლებას. ასე გამოეხმაურა მიტროპოლიტი იოანე მის "ქართული ოცნების" წინასაარჩევნო ღონისძიებებზე დასწრებას.

"დასწრება არ ნიშნავს მონაწილეობას. თქვენი კოლეგები უხვად ესწრებიან, მაგრამ არ მონაწილეობენ და მე რომ ვესწრები, რატომ მითვლით მონაწილეობად, ვერ გავიგე. ჩემი მოქალაქეობრივი მოვალეობაა, რომ პატივი მივაგო ხელისუფლებას.

პრემიერმინისტრი პირველი პირია ქვეყნის, ჩამოვიდა ეპარქიაში, მე არ ვეკითხები რისთვის. ვიკითხე, რომ ეს შეხვედრა მასთან შესაძლებელია თუ არაო, რასაკვირველია. პატივი მივაგე და შევხვდი", ამბობს მიტროპოლიტი იოანე ფორმულასთან საუბარში.

მეუფე იოანე "ქართული ოცნების" კიდევ ერთ წინასაარჩევნო ღონისძიებას 18 სექტემბერსაც დაესწრო, რომელიც ბაგრატის ტაძრის ეზოში გაიმართა. მაშინ მეუფეო იოანემ განაცხადა, რომ "ეკლესია ყოველთვის პატივს მიაგებს ხელისუფლებას".