კახეთში, კორონავირუსის 4 შემთხვევა გამოვლინდა, მათ შორის ერთ-ერთი ინფიცირებული სამხედროა. ის სოფელ შილდაში ცხოვრობს და თელავის 20-ე კადრირებული ბრიგადის ჯარისკაცია. მიმდინარეობს პაციენტის კონტაქტების მოძიება.

კორონავირუსი დაუფიქსირდა ყვარელში მცხოვრებ 70 წლის კაცსაც, რომელსაც თანმდევი ქრონიკული დაავადებები აქვს . ის სამკურნალოდ თბილისში გადაიყვანეს.

ვირუსის 2 შემთხვევა გამოვლინდა ახმეტის რაიონის სოფელ მატანშიც.
ინფიცირების წყარო ე.წ გორის ქორწილის კლასტერს უკავშირედება. ორივე მათგანი 14 სექტემბრიდან თვითიზოლაციაში იმყოფება . მათ მკურნალობა სავარაუდოდ, ადგილზე ჩაუტარდება.

სულ ბოლო მონაცემებით, კახეთში დაინფიცირების 56 შემთხვევა გამოვლინდა. ბოლო 24 საათში კი, საქართველოში კორონავირუსის 326 შემთხვევა დადასტურდა. დღეს კორონავირუსით კიდევ ორი პაციენტი გარდაიცვალა და საერთო ჯამში 38 შეადგინა.