5 წლის ბავშის მიმართ სექსუალური ძალადობისთვის ბრალდებულ 58 წლის მამაკაცს პოლიცია ეძებს. განაჩენის გამოცხადების შემდეგ მამაკაცი სოფლიდან გაიქცა.

ბრალდებული ლაგოდეხის რაიონიდან არის, ის გურჯაანის სასამართლომ რამდენიმე თვის წინ გაათავისუფლა, რაც პროკურატურამ სააპელაციო წესით გაასაჩივრა. დღეს თბილისის სააპელაციო სასამართლომ ბრალდებულს 13 წლით პატიმრობა შეუფარდა. ბრალდებულიოპროცესს არ ესწრებოდა. დაზარალებული მხარის მტკიცებით,  ის განაჩენის გამოცხადების შემდეგ სოფლიდან გაიქა.

თავზარდამცევი ამბავი ლაგოდეხში დაახლოებით ერთი წლის წინ მოხდა. როდესაც ნათესავმა და კარის  მეზობელმა მცირეწლოვანზე იძალადა. დაზარალებულისა და ბრალლდებულის ოჯახები სოფელში გვერდი-გვერდ ცხოვრობენ. დაზარალებულის ოჯახის წევრები ამბობენ, რომ 5 წლის გოგონა ეზოში თანატოლებთან ერთად თამაშობდა, რა დროსაც მამაკაცმა ის სახლში შეიყვანა და მის მიმართ სექსუალური ხასიათის ქმედება ჩაიდინა. ამას შეესწრო მისი თანატოლი, რომელიც ბავშვს ეძებდა. მამაკაცი მათ დაემუქრა და კატეგორიულად  გააფრთხილა, რომ ამის შესახებ არავისთვის ეთქვათ.

ბავშვის ოჯახის წევრები ამბობენ, რომ მისი ფსიქოლოგიური მდგომარეობა მძიმეა.

ბრალდებული 2019 წლის ივლისში დააკავეს. სასამართლო პროცესების გაჭიანურების გამო მას წინასწარი პატიმრობის 9-თვიანი ვადა ამოეწურა და მოსამართლემ გირაოს სახით გაათავისუფლა. შემდგომაეს გადაწყვეტილება პროკურატურამ სააპელაციო წესით  გაასაჩივრა.