თუ სინოდი არ იმსჯელებს და საპატრიარქო ასე მიუშვებს სასულიერო პირების ნებისმიერ გამონათქვამს, შეიძლება ჩვენ ომის ქარცეცხლში გავეხვიოთ, - ამის შესახებ მეუფე მელქისედეკმა "მთავარი არხის" ეთერში, გადაცემაში "ღამის მთავარი" განაცხადა.

"აუცილებელია წმინდა სინოდმა ამ საკითხებზე იმსჯელოს, თუ სინოდი არ იმსჯელებს და საპატრიარქო ასე მიუშვებს სასულიერო პირების ნებისმიერ გამონათქვამს, შეიძლება ჩვენ მართლა გავეხვიოთ ისეთი ომის ქარცეცხლში, რომ აქეთ გადმოიტანოს რუსეთმა, მაგალითად - ომის პერიპეტიები საქართველოს ტერიტორიაზე.

მე მინდა მამა კირიონს ვკითხო, როდესაც ქალბატონმა პრეზიდენტმა ცნობილი გნცხადება გააკეთა და იმის შემდეგ დაიწყო აზერბაიჯანული ჯარების ზემოთ ამოსვლა, აი იმ ქედზე - მაშინ, რატომ მის მეგობარ, დღევანდელ თავდაცვის მინისტრს არ მიმართა, რომ რაღაცა ემოქმედა, თავდაცვის სამნისტროს ?!", - იკითხა მეუფე მელქისედეკმა.

მისივე თქმით, სინოდი დავით გარეჯის საკითხზე არ არის ინფორმირებული. მხოლოდ მამა კირიონის შეფასებით არ უნდა წყდებოდეს დაკავებული ივერი მელაშვილისა და ნატალია ილიჩოვას "ბედი".

"შეიძლება ძალიან კარგი ადამიანია მამა კირიონი, უყვარს ძალიან, ვთქვათ, სამშობლო, უყვარს ეკლესია, უყვარს დავით გარეჯი, მაგრამ, ხომ შეიძლება მის შეფასებებში ცდებოდეს მამა კირიონი?! ხომ შეიძლება მარტო მის შეფასებებზე არ იყოს დამოკიდებული ამ ორი ადამიანის ბედი?! მე მათ ამიტომ მივმართავ, რომ გაუძლონ, ყველაფერი კარგად იქნება, სამართალი აუცილებლად იზეიმებს", - თქვა მეუფემ