სოფლის მეურნეობის სამინისტროს სსიპ სურსათის ეროვნულმა სააგენტომ თბილისში, ფაღავას ქუჩაზე მდებარე  ი/მ ,,გია ნონიაშვილის" საშაურმეს საწარმოო პროცესი შეუჩერა. დოკუმენტური შემოწმებისას. გამოვლინდა ჰიგიენური ნორმების დარღვევა, რაც არაგეგმური ინსპექტირების საფუძველი გახდა. ინსპექტირებისას დაფიქსირდა კრიტიკული შეუსაბამობები (მწერები და ანტისანიტარია, დეზინფექცია-დერატიზაციის არარსებობა), რის გამოც ბიზნესოპერატორი  დაჯარიმდა და საწარმოო პროცესი შეუჩერდა.

სურსათის ეროვნული სააგენტო საზოგადოებრივი კვების ობიექტებს მთელი ქვეყნის მასშტაბით ამოწმებს.  შედეგები საზოგადოებას პერიოდულად ეცნობება.

სურსათის ეროვნული სააგენტო მნიშვნელოვნად მიიჩნევს მოსახლეობის  ჩართულობას და დარღვევის გამოვლენის შემთხვევაში   მოუწოდებს, დაუკავშირდნენ  სოფლის მეურნეობის სამინისტროს ერთიანი საინფორმაციო სამსახურის ცხელ ხაზს - 2 470-101.