სოციალურ ქსელში წერეთლის გამზირზე მდებარე მიკროსაფინანსო ორგანიზაციაში შეჭრილმა თავდამსხმელმა ვიდეომიმართვა გავრცელდა. Facebook-ის პირდაპირ ეთერში მან საკუთარი მოთხოვნები გააჟღერა.

"ჩემი მოთხოვნა არის ესეთი, ყველა პარლამენტარი ვინც იყო არჩევნებდამდე შეიკრიბოს, ვინც არჩევნებში იღებს მონაწილეობას, ყველანი შეიკრიბონ პარლამენტში და მიიღონ 3 კანონი:

აიკრძალოს საქართველოს მასშტაბით ყველანაირი აზარტული თამაშები, არ აქვს მნიშვნელობა ინტერნეტ სივრცით იქნება თუ რითი იქნება, ყველანარი.
ბანკებს მიცეს მარტო უფლება 7% მარტო წლიური, დავიღალეთ, აღარ შეგვიძლია. ვისაც აქვს არსებული სესხები, მთლიან საქართველოს, გადაუტანონ 7%-ში, არ აქვს მნიშვნელობა რა პროცენტში ჰქონდათ.
წამლები, მოხუცი ხალხი წვალობს... ცოტა შეამცირეთ ამ წამლების ფასი. მიეცით აფთიაქების ქსელს, მაქსიმუმ მიეცეს 10%-ის მოგების უფლება", - ამბობს თავდამსხმელი. ის სავარაუდოდ არაფხიზელ მდგომარეობაშია და მას მძევლად 9 ადამიანი ჰყავს აყვანილი.