საპატრიარქოს საზოგადოებასთან ურთიერთობის სამსახურის უფროსი, დეკანოზი ანდრია ჯაღმაიძე, ტელეკომპანია "ფორმულასთან" საუბრისას აცხადებს, რომ ივერი მელაშვილის გმირად წარმოჩენა საზოგადოების შეცდომაში შეყვანაა.

მისი თქმით, ივერი მელაშვილმა ხელი მოაწერა ყველაფერზე, რაც მოითხოვა აზერბაიჯანის მხარემ და გაუგებარია, რა დამსახურება აქვს მას.

ამასთან, დეკანოზი ანდრია ჯაღმაიძე ხელისუფლებისგან სამართლიანობის აღდგენისთვის ქმედებით ნაბიჯების გადადგმას მოითხოვს.

"ერთმნიშვნელოვნად ვთვლი, რომ მისი გმირად წარმოჩენა არის საზოგადოების შეცდომაში შეყვანა. არანაირი საფუძველი იმის თქმის, რომ მან რაიმე ეროვნული გააკეთა საგმირ, არა გვაქვს. რაც მოთხოვნა აზერბაიჯანის მხარემ, ყველა მიწა გაუფორმა, რაც მის კომპეტენციაში იყო. რა გააკეთა ეროვნული ნიშნით მნიშვნელოვანი, რომ ჩვენ ეს გმირად აღვიქვათ არ ვიცი.

საპატრიარქოს კუთვნილებაა, ის ძეგლი, რომელზეც ჩვენ ვსაუბრობთ და საპატრიარქო პირველ რიში სახელმწიფოსაგან ითხოვს, რომ გადადგას ქმედითი ნაბიჯები, იმისთვის, რომ აღდგეს სამართლიანობა", - ამბობს ჯაღმაიძე.

მანამდე, საპატრიარქო ივერი მელაშვილისა და ნატალია ილიჩოვას გირაოს სანაცვლოდ გათავისუფლებას განცხადებით გამოეხმაურა.