ზუგდიდში, შენობის ნანგრევებში მოყოლილი გოგონას მდგომარეობა სტაბილურია
ზუგდიდში, თამარ მეფის ქუჩაზე შენობის ნანგრევებში მოყოლილი გოგონას მდგომარეობა სტაბილურია. მას დღეს გაწერენ. 11 წლის ბავშვს ტრავმული დაზიანებები ჰქონდა. ის ერთადერთია, ვინც ავარიული შენობის ჩამონგრევის დროს დაშავდა. აქ ბოლოს მხოლოდ ორი ოჯახი ცხოვრობდა.
ზუგდიდის რეფერალური საავადმყოფოს ბავშვთა გადაუდებელი მედიცინის მიმართულების ხელმძღვანელის მზია გერგედავას თქმით, გოგონას მრავლობითი ტრავმული დაზიანებები აღენიშნებოდა. შესაბამისი გამოკვლევებისა და მკურნალობის შემდეგ მისი მდგომარეობა დამაკმაყოფილებელია, ის დღეს კლინიკიდან გაეწერება.
