ანა ჯაბაური მეუღლის, ცოტნე გამსახურდიას ჯანმრთელობის მდგომარეობის შესახებ "ფეისბუქში" წერს. მისი თქმით, ცოტნეს მდგომარეობა გაუმჯობესებულია.

"საავადმყოფოებში ერთწლიანი ,,გამოკეტილობის’’, ტოტალური გერმანული ,,ლოქდაუნის’’, საყოველთაო პანდემიური ისტერიისა და მუდმივად ურთულესი სიძნეელეების გადალახვის ფონზე, მგონი არაგვიშავს. მადლობა კლინიკის ადმინისტრაციას, ცოტნეს პოზიტიური განწყობის შენარჩუნებისთვის, გამონაკლისის სახით მასთან ჩემი 24-საათიან რეჟიმში ყოფნის დაშვებით", - წერს ანა ჯაბაური.

საქართველოს პირველი პრეზიდენტის, ზვიად გამსახურდიას შვილი, ცოტნე გამსახურდია თბილისში, გალის ქუჩაზე, 2019 წლის 19 დეკემბერს დაჭრეს, რის შემდეგაც ის კომაში იყო. მას მკურნალობდნენ ჯერ თბილისის, შემდეგ თურქეთის კლინიკებში, 2020 წლის 13 ივლისიდან ცოტნე გამსახურდია მკურნალობას გერმანიაში აგრძელებს. გამსახურდიას მკვლელობის მცდელობისთვის 2 პირს 15-15-წლიანი პატიმრობა მიუსაჯეს.