აშშ-ის ეროვნული დაზვერვა ვარაუდობს, რომ საუდელი ჟურნალისტის ჯამალ ხაშოგის მკვლელობის ოპერაცია საუდის არაბეთის ტახტის მემკვიდრე პრინცთან შეთანხმებული იყო. იუწყება CNN.

 „ჩვენი შეფასებით, საუდის არაბეთის ტახტის მემკვიდრე პრინცმა მუჰამედ იბნ სალმანმა თანხმობა მისცა სტამბოლში საუდელი ჟურნალისტის ჯამალ ხაშოგის გატაცებასა და მკვლელობაზე“, - წერია აშშ-ის დაზვერვის ანგარიშში.

 „ჩვენი შეფასებები დაფუძნებულია იმაზე, რომ სამეფოში ყველა გადაწყვეტილებას აკონტროლებდა პრინცი, ასევე მონაცემებზე ოპერაციაში საკვანძო მრჩველისა და მუჰამედ იბნ სალმანის დაცვის წევრების უშუალო მონაწილეობაზე, ასევე ფაქტებზე,  რომლის თანახმად, პრინცი მხარს უჭერდა ძალადობრივ ზომებს უცხოეთში მყოფი დისიდენტების, მათ შორის ხაშოგის წინააღმდეგ, რათა ისინი გაჩუმებულიყვნენ“, - განმარტებულია დოკუმენტში.  

 „2017 წლიდან ტახტის მემკვიდრე პრინცი აკონტროლებდა სამეფოს უსაფრთხოებისა და დაზვერვის ორგანოებს, რის საფუძველზეც ნაკლებ სავარაუდოა, რომ საუდის არაბეთის ოფიციალურ პირებს მსგავსი ხასიათის ოპერაცია პრინცის თანხმობის გარეშე ჩაეტარებინათ,“ -აღნიშნულია ანგარიშში.

ხაშოგი, ამერიკული გამოცემა The Washington Post-ის ჟურნალისტი იყო, ის სტამბოლში, საუდის არაბეთის საკონსულოს შენობაში 2018 წლის 2 ოქტომბერს მოკლეს. ჟურნალისტის ცხედარი დღმდე ნაპოვნი არ არის.

ერ რიადის ვერსიით, ხაშოგი საუდელმა აგენტებმა ოპერაციის დროს მოკლეს, რომელიც დაგეგმილი იყო მუჰამედ იბნ სალმანის ორი თანაშემწის მიერ. თანაშემწეები სამსახურიდან დაითხოვეს. ერ რიადის განცხადებით, კი თავად პრინცს მკვლელობასთან კავშირი არ აქვს.