პარიზის სასამართლომ საფრანგეთის ყოფილი პრეზიდენტი ნიკოლა სარკოზი დამნაშავედ ცნო კორუფციასა და თანამდებობის ბოროტად გამოყენებაში და თავისუფლების აღკვეთა მიუსაჯა.

ნიკოლა სარკოზის 3 წლით პატიმრობა შეეფარდა, საიდანაც 2 წელი პირობითი სასჯელია.

პროკურატურა 4-წლიან პატიმრობას ითხოვდა.

სარკოზიმ, რომელიც საფრანგეთის პრეზიდენტის თანამდებობას 2007-2012 წლებში იკავებდა, სასამართლო პროცესზე უარყო ყველა ბრალდება. ეს სასამართლო პროცესი პირველი იყო ქვეყნის უახლეს ისტორიაში, როდესაც ექსპრეზიდენტს ბრალი დასდეს თანამდებობაზე ყოფნის დროს კორუფციული დანაშაულების ჩადენაში.

სარკოზისთან ერთად, ამ საქმეში ბრალდებულები არიან მისი ადვოკატი ტიერი ჰერცოგი და საკასაციო სასამართლოს ყოფილი მაღალჩინოსანი ჟილბერ აზიბერი. მათ ბრალი ედებათ პროფესიონალური საიდუმლოს გამჟღავნებაში.