Pfizer-ის ვაქცინის ერთ-ერთი შემქმნელი, ოზლემ თიურეჩი ამბობს, რომ კომპანია BioNTech-მა, რომელიც მან და მისმა ქმარმა უღურ შაჰინმა დაარსეს, შესაძლოა, რამდენიმე წელიწადში კიბოს საწინააღმდეგო ვაქცინა დაამზადოს.

"ვფიქრობთ, რომ სულ რამდენიმე წელიწადში მზად გვექნება კიბოს საწინააღმდეგო ვაქცინები", - ამბობს თიურეჩი.

ახალი კორონავირუსის საწინააღმდეგო ორი ვაქცინა - Pfizer/BioNTech და Moderna რიბონუკლეინის მჟავაზე [RNM] დაფუძნებული ვაქცინებია. ეს ნიშნავს იმას, რომ ვაქცინის ორგანიზმში შეყვანის დროს რიბონუკლეინის მჟავა ერთგვარ სატრანსპორტო საშუალებად გამოიყენება, რომელსაც უჯრედებში ინსტრუქციები მიაქვს, როგორ შექმნან პროტეინები იმუნური რეაქციის გამოსაწვევად.

BioNTech-ი გეგმავს, რომ კიბოს საწინააღმდეგო ვაქცინაც იგივე მუშაობის პრინციპს დაუქვემდებაროს.

ოზლემ თიურეჩის თქმით, რთულია პროგნოზირება, თუ როდის გახდება ხალხისთვის ხლმისაწვდომი ასეთი ვაქცინა, თუმცა ის ამბობს, რომ რამდენიმე წელიწადში მათი კომპანია ადამიანებისთვის კიბოს საწინააღმდეგო ვაქცინის შეთავაზებას შეძლებს.