აშშ-ში, ვირჯინიის შტატის გუბერნატორმა რალფ ნორტემმა ხელი მოაწერა კანონპროექტს სიკვდილით დასჯის გაუქმების შესახებ.

ამგვარად, ვირჯინია გახდა 32-ე შტატი, რომელმაც უარი თქვა თავის ტერიტორიაზე სიკვდილით დასჯაზე. ამ დრომდე ვირჯინიის შტატი სასიკვდილო განაჩენის აღსრულების მიხედვით ქვეყანაში ლიდერობდა. ამერიკული მედიის თანახმად, ვირჯინიის არსებობის ისტორიაში, მათ შორის ბრიტანეთის კოლონიის სტატუსის ქვეშ, მისმა ხელისუფლებამ სიკვდილით 1 400 ადამიანი დასაჯა.

ახალი კანონი სიკვიდლით დასჯას შეცვლის სამუდამო პატიმრობით, პირობით-ვადამდელი გათავისუფლების შესაძლებლობის გარეშე.

მიმდინარე წლის იანვარში 100-ზე მეტმა ამერიკელმა სამართალდამცველმა, გენერალურმა პროკურორმა და პოკურორმა, მოსამართლემ და იუსტიციის დეპარტამენტის თანამშრომლებმა აშშ-ის პრეზიდენტს ჯო ბაიდენს მოუწოდეს, რაც შეიძლება მალე გააეუქმებინა სიკვიდლით დასჯა ფედერალურ დონეზე.